ԵՐԵՎԱՆ, 2 օգոստոսի – Sputnik. ՀՀ վարչապետ Նիկոլ Փաշինյանն ՀՀ նախագահին առաջարկել է Արշակ Կարապետյանին նշանակել պաշտպանության նախարար, Սուրեն Պապիկյանին՝ փոխվարչապետ, Ռոմանոս Պետրոսյանին՝ շրջակա միջավայրի նախարար, իսկ Նարեկ Մկրտչյանին` Աշխատանքի և սոցիալական հարցերի նախարար։
Տեղեկությունը Sputnik Արմենիային հայտնեցին ՀՀ նախագահի հասարակայնության հետ կապերի վարչությունից։
Հիշեցնենք՝ Արշակ Կարապետյանն այսօր ազատվել է պաշտպանության նախարարի առաջին տեղակալի պաշտոնից։
Սուրեն Պապիկյանն այժմ կատարում է տարածքային կառավարման և ենթակառուցվածքների նախարարի պարտականությունները, Ռոմանոս Պետրոսյանը՝ շրջակա միջավայրի նախարարի պարտականությունները, իսկ Նարեկ Մկրտչյանն այսօր ազատվել էր Աշխատանքի և սոցիալական հարցերի նախարարի առաջին տեղակալի պաշտոնից։