ԵՐԵՎԱՆ, 2 օգոստոսի – Sputnik. ՀՀ փոխվարչապետի ժամանակավոր պաշտոնակատար Տիգրան Ավինյանը մի շարք որոշումներ է ստորագրել, որոնք հրապարակվել են e-gov.am կայքում։
Վահան Հունանյանն ու Սոնա Թևանյանը ազատվել են փոխվարչապետի խորհրդականների պաշտոնից։
Բագրատ Բադալյանն ազատվել է Ավինյանի գրասենյակի ղեկավարի պաշտոնից, Գևորգ Սահակյանը՝ օգնականի պաշտոնից։
Լուսինե Դայանն էլ ազատվել է ռեֆերենտի պաշտոնից։
Sputnik Արմենիայի տեղեկություններով` Վահան Հունանյանը, որը Ավինյանի խորհրդական էր նշանակվել 2020 թվականի դեկտեմբերի 3-ին, տեղափոխվելու է ԱԳՆ և խոսնակ է նշանակվելու։
Նշենք, որ Սոնա Թևանյանը 2021թ. մայիսին էր փոխվարչապետի խորհրդական նշանակվել, Բագրատ Բադալյանը Ավինյանի գրասենյակի ղեկավար էր նշանակվել 2020 թվականի նոյեմբերին, Գևորգ Սահակյանն օգնական էր նշանակվել 2020թ. փետրվարին, իսկ Լուսինե Դայանը ռեֆերենտ էր նշանակվել այս տարվա մարտին։