ԵՐԵՎԱՆ, 31 հուլիսի - Sputnik. Ադրբեջանի խորհրդարանը օգոստոսի 3-ին արտահերթ նիստ կգումարի պատգամավոր Էլդանիզ Սալիմովի կողմից ռեստորանում սարքած դեբոշի պատճառով:
Sputnik Ադրբեջանը հայտնում է, որ մի քանի օր առաջ Խաչմազ քաղաքում գտնվող իր բարեկամին պատկանող «Հին բակ» ռեստորանում խորհրդարանականը ծեծի է ենթարկել ոստիկանին։
Նշվում է, որ վիճաբանությունը սկսվել է այն բանից հետո, երբ իրավապահ մարմինների աշխատակիցները պահանջել են փակել հաստատությունը, քանի որ արդեն կեսգիշերին անց է եղել:
Ադրբեջանում գործող հակահամաճարակային միջոցառումների շրջանակում հանրային սննդի վայրերն այդ երկրում աշխատում են մինչև ժամը 24։00-ն։
Սկանդալ վրացական ռեստորանում. ադրբեջանցի պատգամավորը ոստիկանություն է դիմել
Սալիմովի նկատմամբ արդեն քրեական գործ է հարուցվել «Պաշտոնեական լիազորությունների չարաշահում» հոդվածով:
Իր հերթին Ադրբեջանի խորհրդարանը կքննարկի և գնահատական կտա պատգամավորի գործողություններին, որը խախտել է կարանտինի կանոնները, ուժ է կիրառել իր ծառայողական պարտականությունները կատարող ոստիկանի նկատմամբ և չարաշահել լիազորությունները:
Ռուս պատգամավոր Վիտալի Միլոնովը Արցախ է այցելել. ադրբեջանական օգտատերերը քարկոծում են նրան