ԵՐԵՎԱՆ, 29 հուլիսի – Sputnik. Գերմանիան կոչ է անում Հայաստանին և Ադրբեջանին վերականգնել հրադադարի ռեժիմը։ Այս մասին Twitter-ում գրել է Գերմանիայի արտաքին գործերի նախարարության Արևելյան Եվրոպայի, Կովկասի և Կենտրոնական Ասիայի հարցերով տնօրեն, կանցլերի օգնական Մաթիաս Լյուդենբերգը։
«Հայաստանի և Ադրբեջանի միջև բռնության էսկալացիայի վերսկսումը խորը մտահոգություն է առաջացնում», - նշել է նա:
Նա նաև կոչ է արել առավելագույն ջանքեր գործադրել մարդկանց կյանքը պահպանելու համար։
Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։
Հայկական կողմն ունի երեք զոհ, չորս վիրավոր։