ԵՐԵՎԱՆ, 26 հուլիսի – Sputnik. ՌԴ Ստավրոպոլի մարզի ոստիկանության բաժանմունքի քրեական հետախուզության պետի տեղակալ Ռուսլան Աբովյանի սպանության գործով երկրորդ կասկածյալն է հայտնվել։ Տեղեկությունը հայտնում է RT-ն:
Նշվում է, որ երկրորդ կասկածյալը Զաուրբեկ Քենիևն է (ծնված 1977 թ.)։ Նրա նկատմամբ հետախուզում է հայտարարված։
Միջադեպը տեղի էր ունեցել հուլիսի 23-ի գիշերը Ստավրոպոլի բազմահարկ տներից մեկի մոտ՝ կայանատեղիում։ Մի քանի հոգի հարձակվել էին ոստիկանության պաշտոնյայի վրա, նրանցից մեկը սկսել էր կրակել։ Հանցագործները դեպքի վայրից դիմել էին փախուստի։
Ոստիկանության քրեական հետախուզության բաժնի պետի տեղակալը մարմնի տարբեր հատվածներում հրազենային 9 վնասվածք էր ստացել և մահացել վերակենդանացման բաժանմունքում:
Ստավրոպոլում սպանվել է քրեական հետախուզության պետի հայազգի տեղակալը. տեսանյութ
Հարուցվել էր քրեական գործ ՝ սպանության և զենքի ապօրինի շրջանառության մեղադրանքով։
Ոստիկանները տաք հետքերով հայտնաբերել ու ձերբակալել էին 28 տարկան կասկածյալին, նրա անունը չէր հրապարակվել։
Նշվում էր, որ առաջիկայում նրան կտեղափոխեն քննչական կոմիտե՝ քննչական գործողություններ կատարելու համար։
Հայիթիի նախագահի այրին ամուսնու սպանությունից հետո առաջին հայտարարությունն է արել