ԵՐԵՎԱՆ, 25 հուլիսի – Sputnik․ Նորվեգիայի հարավում՝ Օսլոյից ոչ հեռու, երկնաքար է ընկել։ Ինչպես հաղորդում է նորվեգական Aftenposten թերթը, երկնաքարի բռնկումը լուսավորել է գիշերային երկինքը։ Լույսը մի քանի վայրկյան է դիտվել՝ գիշերվա ժամը 1-ին:
Երկնաքարի բեկորները կարող էին ընկնել Օսլոյից ոչ հեռու գտնվող Լյեր գյուղում։ Բայց դրանք դեռ չեն հայտնաբերել։
Ինչպես պարբերականի հետ զրույցում նշել է նորվեգական աստղագիտական ընկերության ներկայացուցիչ Թոր Ասլեսենը, դրանք գտնելը բարդ խնդիր է, հարկ կլինի մետր առ մետր փնտրել:
«Շատ երկնաքարեր այրվում են մթնոլորտում՝ չհասնելով երկիր, կամ մանր քարերի են բաժանվում», - հավելել է նա:
Եթե դրանք գտնեն, ավելի լավ է դրանք բերել բնական պատմության թանգարան, որը նույնիսկ պատրաստ է դրա համար վճարել, նշում են նորվեգացի աստղագետները:
Վտանգավո՞ր է. Երկիր մոլորակին մոտ 190 մետր տրամագծով աստերոիդ կմոտենա