ԵՐԵՎԱՆ, 25 հուլիսի – Sputnik․ Հայ գրոսմայստեր Հայկ Մարտիրոսյանը շարունակում է հաջող ելույթներ ունենալ Սոչիում ընթացող Շախմատի աշխարհի գավաթի խաղարկությունում: 1/8 եզրափակիչի առաջին պարտիայում Հայաստանի նախկին չեմպիոնը սև ֆիգուրներով հաղթել է իրանցի գրոսմայստեր Ամինա Տաբատաբային:
Պարտիան ավարտվել է 62-րդ քայլում։ Երկուշաբթի օրը Մարտիրոսյանն ու Տաբատաբային կխաղան երկրորդ պարտիան, որտեղ սպիտակներով կխաղա մեր շախմատիստը։
Նախորդ ռաունդում հայ շախմատիստը հաղթել էր խորվաթ Անտե Բրկիչին:
Աշխարհի գավաթի 1/32-րդ խաղարկությունում էլ Հայկ Մարտիրոսյանը հաղթել էր ՖԻԴԵ-ի դասակարգման աղյուսակում 6-րդ հորիզոնականը զբաղեցնող ադրբեջանցի Շաքրիյար Մամեդյարովին:
Մինչ այդ հայ գրոսմայստերը պայքարից դուրս էր թողել զամբիացի շախմատիստ Չիտումբո Մվալիին և թուրք գրոսմայստեր Մուստաֆա Յիլմազին:
Մեծ կորուստ է. ՌԴ շախմատի ֆեդերացիայի նախագահը մեկնաբանել է Արոնյանի հեռանալը
Հայաստանի մյուս ներկայացուցիչները ՝ գրոսմայստերներ Գաբրիել Սարգսյանը, Հովհաննես Գաբուզյանը, Շանթ Սարգսյանը, դուրս են մնացել հետագա պայքարից: Ավելի վաղ աշխարհի գավաթի խաղարկությունից դուրս էր եկել հայկական շախմատի առաջատար Լևոն Արոնյանը:
Պայքարի մեջ մնալ նրան թույլ չի տվել առողջական վիճակը՝ բարձր ջերմությունը։
Մրցաշարը մեկնարկել է հուլիսի 12-ին և կավարտվի օգոստոսի 6-ին:
Աշխարհի գավաթի եզրափակիչի մասնակիցները իրավունք կստանան մասնակցելու չեմպիոնների հավակնորդների մրցաշարին:
Հայ շախմատիստները հաղթանակներով սկսեցին աշխարհի գավաթի առաջին փուլը