ԵՐԵՎԱՆ, 23 հուլիսի - Sputnik. Պահպանակներ արտադրող «AIISA» ընկերությունը Ստրասբուրգի Մարդու իրավունքների դատարանում շահել է Վրաստանի դեմ գործը: Sputnik Գրուզիայի փոխանցմամբ՝ տեղեկությունը հայտնում է «Վրաստանի ժողովրդավարական նախաձեռնություն» կազմակերպությունը, որը ներկայացրել է ընկերության շահերը:
Մարդու իրավունքների եվրոպական դատարանը որոշել է, որ Մարդու իրավունքների եվրոպական կոնվենցիայի «Խոսքի ազատություն» հոդվածը խախտվել է։
Վրացիների կրեատիվ պահպանակները մեծ աղմուկ են բարձրացրել. Թամար թագուհուց մինչև Ստալին
Ավելի վաղ արտադրող ընկերության սեփականատեր Անի Գաչեչիլաձեն Թբիլիսիի քաղաքային և վերաքննիչ դատարանների կողմից տուգանվել էր 500 լարիով՝ պահպանակների փաթեթավորման վրա Վրաստանի պատմական կերպարների ու կրոնական թեմատիկայի հետ կապված նկարների պատկերման համար։ Դատարանը համարել էր, որ դա գովազդի պատվերի, արտադրության ու տարածման կանոնների խախտում է։
Վրացական ընկերության արտադրության լատեքսային հակաբեղմնավորիչների փաթեթների վրա կարելի է տեսնել Թամար թագուհուն, բանաստեղծ Շոթա Ռուսթավելիի աֆորիզմները, կրոնական հղումներով հեգնական կատակներ և նույնիսկ քաղաքական գործիչների լուսանկարներ:
Ինչ միջոցների էին դիմում արտերկրում ամուսնանալ ցանկացող հայերը, երբ դեռ չկար համացանցը