ԵՐԵՎԱՆ, 22 հուլիսի – Sputnik․ Ադրբեջանում այսօր 13 հայ ռազմագերիների և Ռուսաստանի մեկ քաղաքացու՝ Էդուարդ Դուբակովի գործով հերթական դատական նիստն է։
Հայ զինվորականներին մեղադրում են «ահաբեկչական և դիվերսիոն գործողություններ կատարելու» մեջ։ Դատվող տղաներն են` Հայկազ Հովհաննիսյանը, Վարազդատ Մանուկյանը, Դավիթ Ստեփանյանը, Լևան Թոսունյանը, Արթուր Բաղդասարյանը, Սերոբ Ավագյանը, Վարազդատ Հարությունյանը, Ժորա Մանուկյանը, Հրայր Հերաբյանը, Նարեկ Գասպարյանը, Գրիգոր Կյուրեղյանը, Աշոտ Գևորգյանը և Մարտին Աղրամանյանը։
Ռուսաստանի քաղաքացի Էդուարդ Դուբակովին մեղադրում են, թե իբր նա մասնակցել է Արցախում ՀՀ ԶՈւ զորավարժություններին: Ադրբեջանի իշխանությունները նրան մեղադրանքներ են առաջադրել ահաբեկչության, հանցանքին մասնակից դառնալու, Ադրբեջանի պետական սահմանը ապօրինի հատելու հոդվածներով:
Դուբակովը, հանդես գալով վերջին խոսքով, հայտարարել է, որ իրեն մեղավոր չի ճանաչում և հավատում է դատարանի արդար որոշմանը։
Ավելի վաղ դատախազը պահանջել էր Դուբակովին դատապարտել 11 տարվա ազատազրկման և արտաքսել պատիժը կրելուց անմիջապես հետո: Փաստաբանն իր հերթին հայտարարել է, որ իր պաշտպանյալը չի կռվել Ադրբեջանի ԶՈւ դեմ և խնդրել է դատարանին գնահատել դա որպես մեղմացուցիչ հանգամանք։
Արմեն Սարգսյանն ընդունել է Շառլ Միշելին. խոսել են գերիների, պատերազմի ու Արցախի մասին
Արցախյան 44-օրյա պատերազմում հրադադար հաստատելուց մինչ օրս Հայաստան է վերադարձել 103 հայ գերի։ Ոչ պաշտոնական տվյալներով՝ Բաքվում շարունակում են մնալ 100-ից ավելի մեր հայրենակիցներ։