ԵՐԵՎԱն, 21 հուլիսի - Sputnik. Թեհրանում մեկնարկել է Եվրասիական տնտեսական միության անդամ երկրների ու Իրանի Իսլամական Հանրապետության միջև ազատ առևտրի մասին համաձայնագրի ստորագրման հարցով հանդիպումը:
Ինչպես հաղորդում է Եվրասիական տնտեսական հանձնաժողովը, փոխանցելով հանձնաժողովի առևտրի հարցերով նախարար Անդրեյ Սլեպնևի խոսքերը, հանդիպման արդյունքներով ձեռք են բերվել պայմանավորվածություններ փոխգործակցության նոր խնդիրների քննարկման վերաբերյալ։ Դրանք են` ապրանքաշրջանառության ընդլայնումը, արդյունաբերական համագործակցության աջակցումը, պետական գնումների թափանցիկության ավելացումը:
Իրանի հետ համաձայնագրի կնքման համար առաջին ամբողջական ձևաչափով բանակցությունների փուլը նախատեսված է այս տարվա սեպտեմբերին:
Նոր համաձայնագիրը փոխարինելու է 2019 թվականի հոկտեմբերին կնքված Ժամանակավոր համաձայնագրին: