ԵՐԵՎԱՆ, 20 հուլիսի – Sputnik. Մոսկվայի առողջապահության դեպարտամենտի գլխավոր մանկաբույժ Իսմայիլ Օսմանովը ՌԻԱ Նովոստիին ասել է՝ որ նշանները կարող են վկայել երեխայի մոտ ջերմային հարվածի մասին:
«Եթե արևի տակ մնալուց հետո ձեր երեխայի մոտ նկատել եք ջերմության բարձրացում, մաշկի կարմրություն (հատկապես՝ դեմքի), դանդաղկոտություն, թուլություն, ուտելու ցանկության նվազում, առատ քրտնարտադրություն, փսխում, սակավամիզություն, հաճախակի մակերեսային շնչառություն, փորլուծություն, ապա բարձր հավանականությունը կա, որ երեխան ջերմային հարված է ստացել։ Ծանր դեպքերում նորածինների մոտ կարող է նաև ջղաձգություն առաջանալ», - ասել է նա։
Նրա խոսքով՝ քանի որ նշված ախտանշանների ի հայտ գալու դեպքում պետք է անհապաղ մանկաբույժի դիմել: Ցնցումների ու գիտակցության կորստի դեպքում պետք է շտապ հոսպիտալացնել։
«Երեխային պետք է տանել զով տեղ, բայց ոչ միջանցիկ քամու տակ։ Գլխին դնել շորով փաթաթված սառույց, թաց սրբիչով բարուր անել։ Ջուրը պետք է սենյակային ջերմաստիճանի լինի։ Պետք է ոչ շատ սառը ջուր տալ փոքրիկին։ Հիշեք նաև, որ երեխաները պետք է հեղուկի կորուստն աստիճանաբար լրացնեն: Ավելի լավ է` 10-15 րոպեն մեկ ջուր տաք», - նշել է բժիշկը։
Բժիշկը պատմել է, թե ինչի պատճառով կարող է ցերեկը քնկոտություն առաջանալ
Օսմանովի խոսքով` պետք է սահմանափակել ճարպային և սպիտակուցային մթերքի օգտագործումը։ Շոգ եղանակին ուտելու ցանկությունը նվազում է, և դա նորմալ է։ Մասնագետը շեշտել է` պետք չէ երեխային բռնի կերպով կերակրել։
Ինչպես հաղթահարել գլխացավն առանց դեղահաբերի. բացատրում է բժիշկը