Արմեն Բաղդասարյանի դիտարկմամբ`Հայաստանը գտնվում է երկու տարբեր գործընթացներում. մի կողմում ԵՄ–ի հետ հետագա ինտեգրումն է, 2,6 միլիարդ դոլարի աջակցության ծրագիրը, բարեփոխումների հեռանկարը, մյուս կողմում արցախյան հիմնախնդիրն է, սահմանների հարցը։ Ըստ նրա` Շառլ Միշելի այցը դրական է այնքանով, որ ԵՄ–ն փորձում է ընդլայնել մասնակցությունը մեր տարածաշրջանի գործընթացներում, հատկապես Արցախի կարգավիճակի շուրջ վարվող բանակցություններում։
«Այսինքն` Արցախի կարգավիճակի հարցը չի մնա միայն ռուս–թուրք–ադրբեջանական տիրույթում, դրան կներգրավվի նաև ԵՄ–ն։ Այս համատեքստում Շառլ Միշելի այցը բավականին կարևոր էր, ինչը մեր արտաքին քաղաքականության դիվերսիֆիկացիայի առումով կարող է լավ լինել, եթե իհարկե ՀՀ–ն կարողանան ճիշտ օգտագործել այդ հնարավորությունը»,– ասաց քաղաքագետը։
Արմեն Բաղդասարյանի դիտարկմամբ`Հայաստանը գտնվում է երկու տարբեր գործընթացներում. մի կողմում ԵՄ–ի հետ հետագա ինտեգրումն է, 2,6 միլիարդ դոլարի աջակցության ծրագիրը, բարեփոխումների հեռանկարը, մյուս կողմում արցախյան հիմնախնդիրն է, սահմանների հարցը։ Ըստ նրա` Շառլ Միշելի այցը դրական է այնքանով, որ ԵՄ–ն փորձում է ընդլայնել մասնակցությունը մեր տարածաշրջանի գործընթացներում, հատկապես Արցախի կարգավիճակի շուրջ վարվող բանակցություններում։
«Այսինքն` Արցախի կարգավիճակի հարցը չի մնա միայն ռուս–թուրք–ադրբեջանական տիրույթում, դրան կներգրավվի նաև ԵՄ–ն։ Այս համատեքստում Շառլ Միշելի այցը բավականին կարևոր էր, ինչը մեր արտաքին քաղաքականության դիվերսիֆիկացիայի առումով կարող է լավ լինել, եթե իհարկե ՀՀ–ն կարողանան ճիշտ օգտագործել այդ հնարավորությունը»,– ասաց քաղաքագետը։
Բաղդասարյանի կարծիքով` ԵՄ–ն արցախյան հակամարտությունը դիտարկում է ռուսական ազդեցության գոտում ու թեև դժվար կարողանա ինչ–որ կերպ ազդել դրա վրա, մասնավորապես՝ սաստել Ադրբեջանին, պնդել, որ գերիներին վերադարձնի ու վերջ տա Հայաստանի հետ սահմանային սադրանքներին, բայցևայնպես միջազգային կարծիքի տեսանկյունից պարբերաբար հնչող հայտարարություններն ու Ադրբեջանին ուղղված զսպվածության կոչերը ինչ–որ դերակատարում գուցե և կունենան։
«ԵՄ–ն մեր տարածաշրջանի առնչությամբ ունի իր օրակարգը, որը ներառում է տարատեսակ բարեփոխումների, իրավական ու տնտեսական հարցերի փաթեթ, ինչն ըստ էության Արևելյան գործընկերության ծրագրի խորացումն է, հարաբերություններն ավելի բարձր մակարդակի հասցնելը։ Բայց եվրոպացիները պետք է ամեն ինչ անեն, որ մինչ այդ արցախյան հակամարտությունը լինի հանգուցալուծված, այսինքն` եվրոպացիներն ուզում են, որ այստեղ լինի տևական խաղաղություն, որպեսզի մեծացնեն իրենց ակտիվությունը»,– նշեց քաղաքագետը։
Բաղդասարյանի գնահատմամբ` Հայաստանին 2,6 միլիարդ դոլար հատկացնելով` ԵՄ–ն ցանկանում է վերահսկել ներդրումային ծրագրերը և հենց այդ նպատակով էլ պատրաստ է մեր երկրին ցուցաբերել նաև տեխնիկական աջակցություն։ Ըստ նրա`հասկանալի է, որ որևէ երկրի հենց այնպես չեն հատկացում նման գումարներ, հետևաբար դրա դիմաց ունեն որոշակի ակնկալիքներ, այսիքն` ցանկանում են Հայաստանը ռուսական ազդեցության գոտուց հանել, մինչդեռ ՌԴ–ն ունի այդ ծրագրին խոչընդոտելու բավականաչափ գործիքակազմ։
Հիշեցնենք՝ Եվրոպական խորհրդի նախագահ Շառլ Միշելը Հայաստան էր ժամանել հուլիսի 16-ին. նրան դիմավորել է փոխվարչապետի պաշտոնակատար Մհեր Գրիգորյանը։ Եվրոպական խորհրդի նախագահը այցելել է Ծիծեռնակաբերդ, բանակցություններ է անցկացրել վարչապետի պաշտոնակատար Նիկոլ Փաշինյանի հետ։ Բանակցությունների ավարտին նրանք հանդես են եկել հայտարարություններով։ Շառլ Միշելը հանդիպում է ունեցել նաև ՀՀ նախագահ Արմեն Սարգսյանի հետ։