ԱԺ «Բարգավաճ Հայաստան» կուսակցության պատգամավոր Արման Աբովյանը կարծում է, որ պատգամավորական գործունեության հետ կապված ծախսերի համար յուրաքանչյուր պատգամավորին տրվող ամսական 50 000 դրամը 250 000 դարձնելու որոշումն այս իրավիճակում անտրամաբանական է։
ՀՀ ԱԺ պատգամավորների նյութատեխնիկական ապահովման, տարբեր ծառայություններից, օգտվելու համար ամսական տրամադրվող 50 000 դրամը հնգապատկելու նախագիծը ԲՀԿ խմբակցության պատգամավոր Արման Աբովյանն անհասկանալի և անտրամաբանական է համարում։
«Իրավիճակն իրականում զավեշտալի է։ Այն դեպքում, երբ պատերազմից հետո ջախջախված տնտեսությունը ծնկաչոք վիճակում է, մարդկանց թոշակները 20-30.000 դրամ է կազմում, ու այս իրավիճակում պատգամավորի փաստացի աշխատավարձը մոտավորապես 500 դոլարով բարձրացնելը որևէ բացատրություն չունի»,- Sputnik Արմենիային ասաց նա։
Աբովյանի կարծիքով` նոր նախագծի ընդունման դեպքում պատգամավորները չեն դադարի նաև պարգևավճարներ ստանալ։
Թե ինչ խնդիր է լուծում իշխանությունը այս քայլով, պատգամավորը դժվարանում է մեկնաբանել։
«Կարծում եմ` պարգևավճարներ էլ կլինեն, այնպես որ շնորհավորում եմ` «Ապագա կա», թող վայելեն։ Ասում էին, չէ՞, որ ապագա կա, բայց չշեշտեցին` ում համար»,- նշեց Աբովյանը։
ՊԵԿ նախագահը ժողով է արել ու ասել, որ հեռանում է․ «Հրապարակ»
Հիշեցնենք` այսօր ԱԺ-ն առաջին ընթերցմամբ ընդունեց «Իմ քայլը» խմբակցության պատգամավորներ Վիկտոր Ենգիբարյանն ու Նիկոլայ Բաղդասարյանի «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում փոփոխություն կատարելու նախագիծը։ Նախագծով առաջարկվում է պատգամավորական գործունեության հետ կապված ծախսերի համար յուրաքանչյուր պատգամավորին տրվող ամսական 50 000 դրամը դարձնել 250 000։
ԱԳ նախարարի պարտականությունները դրվել են Արմեն Գրիգորյանի վրա