ԵՐԵՎԱՆ, 14 հուլիսի – Sputnik. Երևանի Արցախի փողոցում բնակարաններից մեկի մուտքի մոտ 1 օրական երեխայի են թողել: Տեղեկությունը հայտնում է shamshyan.com-ը։
Նշվում է, որ դեպքը տեղի է ունեցել հուլիսի 13-ին։
«ժամը 15։30-ի սահմաններում ոստիկանության Էրեբունու բաժին ահազանգել է Երևանի բնակիչ` 28-ամյա Լուսիկ Գ․-ն և հայտնել, որ Արցախի փողոցի 15–րդ շենքի բնակարաններից մեկի մուտքի մոտ նորածին երեխայի են թողել»,–գրում է կայքը։
Դեպքի վայր մեկնած ոստիկանները պարզել են, որ նշված բնակարանը պատկանում է 72-ամյա Անահիտ Ա-ին, որի մուտքի մոտ հայտնաբերվել է 1 օրական աղջիկ երեխա։ Երեխան տեղափոխվել է Մուրացան բժշկական կենտրոն։
«Երեկ մի փոքր ջերմել էր». ի՞նչ վիճակում է Գյումրու փողոցներից մեկում հայտնաբերված նորածինը
Փաստի առթիվ ոստիկանությունում նյութեր են նախապատրաստվում։
Ոստիկանությունը ձեռնարկում է անհրաժեշտ օպարտիվ-հետախուզական միջոցառումներ երեխայի ծնողի ինքնությունը պարզելու համար։
Գյումրիում նորածնին լքելու դեպքով քրեական գործ է հարուցվել. մորը դեռ չեն գտել