Կաննի 74–րդ կինոփառատոնի առաջին օրվա անվանի հյուրերի թվում էին ֆրանսիական կինոյի աստղ Մարիոն Կոտիյարը, Ֆրանսիայի նախկին առաջին տիկին Կառլա Բրունին, դերասանուհի Հելեն Միրենն ու «Ոսկե արմավենու» պատվավոր դափնեկիր Ջոդի Ֆոսթերը։ Կաննի փառատոնի նախագահն այս տարի Սփայք Լին է։ Նկատվել են նաև ժամանակակից այլ աստղեր` թոփ մոդել Բելլա Հադիդը, «Էլիտա» սերիալի աստղ Էսթեր Էսպոսիտոն և տրանսգենդեր դերասանուհի Էմջեյ Ռոդրիգեսը։
Այս տարի աստղերն ուռուցիկ զգեստների և վառ գույների փոխարեն նախապատվությունը տվել են հանգիստ հագուստին։ Օրինակ, Բելլա Հադիդը ներկայացել է Jean Paul Gautier սևուսպիտակ զգեստով։ Բոլոր առումներով տարբերվել են Հելեն Միրենն ու Սփայք Լին։ Դերասանուհին ներկայացել է Dolce&Gabanna–ի հեղինակած դեղին (ըստ PANTONE 2021–ի` տարվա գույնը) զգեստով։ Կինոռեժիսորն էլ նախընտրել է Louis Vuitton ապրանքանիշի ակնոցն ու գերժամանակակից կոստյումը։
Օրը չի անցել առանց կազուսի։ Անհայտ աղջիկը հայտնվել է կրոպ-թոփի ճանապարհին և ձեռքերն այնքան է բարձրացել, որ ամբողջությամբ երևացել են մեր կրծքերը: Ըստ գեղեցկուհու դեմքի արտահայտության, սակայն, դա որևէ կերպ չի շփոթեցրել նրան։ Դե ինչ, գաղափարը կարելի է հաջողված համարել, քանի որ այդ տեսարանն իսկական ֆուրոր է արել` ստվերում թողնելով հայտնի աստղերին:
Հայերը ֆրանսերեն են սովորել, ֆրանսիացիները` սիրահարվել Արցախին. ֆիլմ, որն ընտրեց Կաննը
Հիմնական մրցույթում 24 ֆիլմ է ներկայացված։ Գլխավոր մրցանակի համար կպայքարի նաև ռուս ռեժիսոր Կիրիլ Սերեբրեննիկովի «Петровы в гриппе» կինոժապավենը։ Նշենք, որ փառատոնի բացման օրը որպես առաջին պրեմիերա ընտրվել էր ֆրանսիացի Լեո Կարակսի «Аннетте» ֆիլմը։
Փառատոնը կտևի 11 օր` մինչև հուլիսի 17-ը։ Sputnik Արմենիայի խմբագրությունը օպերատիվ տեղեկատվություն կփոխանցի անմիջապես Կրուազետի ափից։
Գեղեցկության և շքեղության վերջին ակորդը Կաննում. կինոփառատոնի վերջին լուսանկարները