ԵՐԵՎԱՆ, 7 հուլիսի – Sputnik. Հայիթիի նախագահ Ժովենել Մոիզի սպանությունը, նախնական տվյալներով, կատարել է զինված ջոկատ, որը բաղկացած է օտարերկրացիներից։ Տեղեկությունը հայտնում է ՌԻԱ Նովոստին` մանրամասնելով, որ երկրի վարչապետ Կլոդ Ժոզեֆի գրասենյակն է հայտարարել այդ մասին։
Բացի այդ, Հայիթիի իշխանությունները երկրում 15-օրյա ազգային սուգ են հայտարարել: Այն կտևի հուլիսի 8-22-ը:
Հիշեցնենք, որ անհայտ անձինք հուլիսի 6-ի լույս 7-ի գիշերը ներխուժել են Հայիթիի նախագահ Ժովենել Մոիզի նստավայր ու գնդակահարել նրան։ Նշվում է, որ չարագործներից մի քանիսը խոսել են իսպաներեն լեզվով։