Նոր նիշերով համարանիշեր ցանկացողներին սպասարկելու են էլեկտրոնային եղանակով. ՃՈ

ԵՐԵՎԱՆ, 4 հուլիսի – Sputnik. Ճանապարհային ոստիկանության հաշվառման-քննական ստորաբաժանումներում նոր նիշերով համարանիշեր ձեռք բերելու ցանկություն ունեցող քաղաքացիների սպասարկումն իրականացվելու է բացառապես էլեկտրոնային եղանակով։ Տեղեկությունը հայտնում է ճանապարհային ոստիկանությունը։

ՃՈ հայտարարության մեջ նշվում է, որ ակնկալվում է նոր նիշերով համարանիշեր ձեռք բերելու ցանկություն ունեցող քաղաքացիների մեծ հոսք։

«Հայաստանում COVID-19 համավարակի տարածման կանխարգելման նպատակով քաղաքացիների սպասարկումը կիրականացվի համապատասխան էլփոստերի հասցեներին կամ e-request հարթակի միջոցով հերթագրման նպատակով հաղորդագրություն ուղարկելու արդյունքում՝ հրավերի հիման վրա»,–նշված է հաղորդագրության մեջ։

Հաղորդագրության մեջ անհրաժեշտ է նշել հերթագրվողի անունը, ազգանունը և բջջային հեռախոսահամարը:
Էլեկտրոնային փոստերի հասցեներին կարող եք ծանոթանալ այստեղ։

Հիշեցնենք, որ «գոլդ» համարանիշների նկատմամբ հասարակության որոշ շերտերի պահանջարկը դարձյալ ակտիվացնելու համար ոստիկանությունն առաջարկում է 2007 թվականից համարանիշներում կիրառվող «A», «C», «D», «F», «G», «L», «M», «N», «O», «P», «Q», «R», «S», «T», «U», «V», «X» և «Z» տառերին ավելացնել ևս 8 նոր տառեր` «B», «E», «H», «I», «J», «K», «W» և «Y»:
Ոստիկանությունն արդեն հաշվարկել է, որ նոր «գոլդ» համարանիշերի վաճառքից պետական բյուջեի եկամուտը կկազմի 73,7 միլիարդ, իսկ ծախսը՝ 2,1 միլիարդ դրամ։

Ի՞նչ ունես–չունես. նոր հավելվածները կօգնեն հարկեր վճարել և... ՊԵԿ–ից գումար ստանալ