Հուլիսի 3–ին Արցախում ռուսական խաղաղապահ զորակազմի հրամանատար Ռուստամ Մուրադովի ուղեկցությամբ Ադրբեջանից հայրենիք վերադարձավ գերիների 15 հոգանոց խումբ։ Նրանք բոլորը Շիրակի մարզից են, անուններն արդեն հրապարակել ենք։
Հայ ռազմագերիներն Ադրբեջանում պահվում էին 2020 թվականի դեկտեմբերի 16-ից սկսած։ Տղաները գերեվարվել էին անցյալ նոյեմբերի 9–ի եռակողմ հայտարարության ստորագրումից հետո` Արցախի Խծաբերդ գյուղից։
Նախօրեին նրանք Բաքվում կես տարվա ազատազրկման են դատապարտվել՝ իբրև թե «Ադրբեջանի պետական սահմանը խախտելու» համար, սակայն արդարացվել են առաջադրված մի շարք այլ հոդվածներով:
Նրանց ազատազրկման ժամկետն ավարտվել է։
Հայ գերիների վերադարձի դիմաց հայկական կողմն Ադրբեջանին է փոխանցել Վարանդայի (Ֆիզուլի) և Կովսականի (Զանգելանի) ականապատ դաշտերի քարտեզները։
Թե ինչպես են նրանք ժամանում «Էրեբունի» օդանավակայանում, դիտեք Sputnik Արմենիայի ֆոտոշարքում։
Ռուստամ Մուրադովը հայ ռազմագերիների նոր խումբ է բերում Երևան
Հիշեցնենք՝ 15 հայ ռազմագերիների նախորդ խումբը հայրենիք էր վերադարձվել հունիսի 12-ին՝ Վրաստանի տարածքով։
Այն ժամանակ գերիների վերադարձի դիմաց ադրբեջանական կողմին հանձնվեցին Ակնայի (Աղդամի) շրջանի ականապատ դաշտերի քարտեզները։
Փաշինյանը հրապարակել է Ադրբեջանից վերադարձող 15 գերիների լուսանկարը