ԵՐԵՎԱՆ, 3 հուլիսի - Sputnik․ Այսօր` հուլիսի 3–ին, խոշոր ավտովթար է տեղի ունեցել Տավուշի մարզում: Կան տուժածներ։ Տեղեկությունը հայտնում է shamhyan.com-ը։
Կայքի տեղեկություններով՝ ժամը 18:20-ի սահմաններում Երևան-Սևան-Իջևան ավտոճանապարհի 99 կմ հատվածում բախվել են Opel Astra և Mitsubishi Pajero մակնիշի ավտոմեքենաները:
Վթարի հետևանքով 2 հոգի տեղափոխվել են Դիլիջանի բժշկական կենտրոն:
Բախումից հետո «Միցուբիշի» մակնիշի ավտոմեքենան դուրս է եկել ճանապարհի երթևեկելի գոտուց, բախվել ճամփեզրին տեղադրված արագաչափ սարքին, տապալել այն։ Արագաչափը ջարդվել է, մեքենան հայտնվել դաշտում:
Հետաքննություն է կատարվում վթարի հանգամանքները պարզելու ուղղությամբ։
Ոստիկանությունը պարզում է նաև վարորդների և վիրավորների ինքնությունը:
Սևանի ճանապարհին վթարի է ենթարկվել կին վարորդի Nissan Tiida–ն. 4 երեխա հիվանդանոցում են