ԵՐԵՎԱՆ, 30 հունիսի – Sputnik. Դորտմունդում ընթացող ըմբշամարտի Եվրոպայի երիտասարդական առաջնությունում այսօր ազատ ոճային 125 կգ Լյովա Գևորգյանը փայլուն հաղթանակ է տարել ադրբեջանցի մարզիկի հետ պայքարում։ Այս մասին տեղեկանում ենք ըմբշամարտի ֆեդերացիայի ֆեյսբուքյան էջից։
Լյովա Գևորգյանն Այդին Ահմադովի հետ պայքարում ջախջախել է վերջինիս 11:0 հաշվով։ Հայ մարզիկն այսպիսով ոսկե մեդալ է նվաճել։
«Ի դեպ, մեր Լյովան զինվոր է»,–նշված է ֆեդերացիայի ֆեյսբուքյան գրառման մեջ։
Ֆեդերացիան խոստանում է առաջիկայում նաև տեսանյութ հրապարակել։
Հիշեցնենք, որ առաջնությունը մեկնարկել է հունիսի 28-ին։
Գերմանիա են մեկնել 57 կգ քաշային Մանվել Խնձրցյանը, 61 կգ՝ Լևիկ Միքայելյանը, 65 կգ՝ Տիգրան Ղազարյանը, 70 կգ՝ Նարեկ
Հարությունյանը, 74 կգ՝ Մուշեղ Մկրտչյանը, 79 կգ՝ Կնյազ Իբոյանը, 92 կգ՝ Սերգեյ Սարգսյանը և 125 կգ՝ Լյովա Գևորգյանը:
Եվրոպայի առաջնությունը կավարտվի հուլիսի 4-ին:
Ըմբշամարտիկները վերադարձան. «Զվարթնոցում» նրանց դիմավորեցին չեմպիոններին վայել ձևով