Տիեզերքը միշտ գրավում է նկարիչներին, իսկ լուսանկարչական արվեստի ժամանակակից հնարավորություններով մեղք կլիներ աշխարհաստեղծման թեմայով գլուխգործոց չստեղծելը. ինչով էլ հենց զբաղվել են Astronomy Photographer of the Year մրցույթի մասնակիցները։
Մարսի մայրամուտները, Սթոունհենջի գլխավերևում վառ գիսաստղերը, հեռավոր տիեզերքի էկզոտիկ գալակտիկաները, պոետիկ անվանումներով միգամածությունները... Մարդուն միշտ գրավել է անհայտը, իսկ եթե հնարավորություն է լինում հավերժացնելու, օրինակ, Գերնորի անհավանական հսկայական պայթյունի մնացորդը, այդ ժամանակ լուսանկարիչը 7 ժամ համբերատար կկանգնի Մուրմանսկի սառնամանիքին, կես օր Չիլիի անապատում մեջքի վրա պառկած կմնա, ընդհանրապես` սեփական մարմինը ցանկացած փորձության կենթարկի, միայն թե ստանա Պլեադայի կամ Սատուրնի օղակների լուսանկարը։
Երբեմն լուսանկարիչ է դառնում ռոբոտը, օրինակ՝ մարսագնացը։ Թեև տեսնելով, թե Կարմիր մոլորակի ինչ բնապատկերներ է ընտրում Curiosity-ը, սկսում ես կասկածել նրա ռոբոտ լինելուն։
Մեր ֆոտոշարքում զետեղել ենք 75 երկրների սիրողական և պրոֆեսիոնալ լուսանկարիչների ավելի քան 4500 աշխատանքներից լավագույները։