ԵՐԵՎԱՆ, 26 հունիսի – Sputnik. Մասիս քաղաքի աղբավայրում վերսկսել են հրդեհաշիջման աշխատանքները։ Տեղեկությունը հայտնում են ԱԻՆ մամուլի ծառայությունից։
Նշվում է, որ այսօր, ժամը 09:30-ին դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
«Հրդեհաշիջման աշխատանքներին ներգրավված է աղբավայրի 1 ջրատար, 1 տրակտոր և 2 ջրի պոմպ»,–նշված է հաղորդագրության մեջ։
Հիշեցնենք, որ հունիսի 25-ին, ժամը 03:07-ին Արարատի մարզային ճգնաժամային կառավարման կենտրոն տեղեկություն էր ստացվել, որ Մասիս քաղաքի աղբավայրի տարածքում այրվում է տրակտոր, և առկա են հրդեհի օջախներ:
Մասիսի աղբավայրում տրակտոր է այրվել, հրդեհի օջախներ կան
Պարզվել է, որ 6000 քմ տարածքում առկա են հրդեհի օջախներ։ Հրդեհաշիջման աշխատանքներին ներգրավվել է աղբավայրի 1 ջրատար։
ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ աղբավայրում իրականացրել է հերթապահություն։
Ինչպես հրշեջները մարեցին Նուբարաշենի աղբավայրի հրդեհը. տպավորիչ լուսանկարներ