Զոհերի մարմինների նույնականացումն ու ազգակցական կապի պարզումը հասանելի է սեղմ ժամկետներում

Որոնողական աշխատանքների ընթացքում հայտնաբերված մարմիններն ու աճյունները մինչև մոլեկուլյար–գենետիկ փորձաքննության իրենց հերթը հասնելը պահվում են դիահերձարաններում և սպասում են իրենց հերթին։ Փորձաքննության անցկացման ժամկետները երբեմն ձգձգվում են մի քանի ամիս, ինչը ապրումները ծանրացնող գործոն է արդյունքների սպասող հարազատների համար։

Հայաստանի բոլոր բնակիչները նույնականացման գործընթացն արագացնելու ու գենետիկ– փորձագետների եզրակացությունը 14 օրվա ընթացքում ստանալու համար հնարավորություն ունեն մահացածների աճյուններն ուղարկելու փորձաքննության ռուսական Մեդիկալ Գենոմիքս անկախ լաբորատորիա։

ԴՆԹ–ով ազգակցական կապը պարզելու գործընթացը

Փորձաքննության շրջանակներում լաբորատորիան մի քանի փուլ է անցկացնում.

1. ԴՆԹ–ի առանձնացում մահացածից ստացված փորձանմուշից։ Դա կարող է լինել ոսկոր, եղունգ և մումիֆիկացված փափուկ հյուսվածքներ (ցանկացած մկան)։

2. Ողջ հարազատից ստացված փորձանմուշից ԴՆԹ–ի առանձնացում։ Ստանդարտ փորձանմուշ է հանդիսանում այտի ներսի կողմից վերցված քսուկը (բուկալ էպիթել)։ Դա ինքնուրույն է վերցվում` տան պայմաններում, հատուկ հրահանգավորումով։

3. Ներկայացված փորձանմուշներից ԴՆԹ–ի առանձնացման ընթացքում ստացված գենետիկ պրոֆիլների համեմատում։

Գենետիկ ուսումնասիրության շրջանակում կարելի է պարզել 1–ին և 2–րդ աստիճանի ազգակցական կապը` հայրություն, մայրություն, տատի/պապի և թոռան միջև, քույր, եղբայր, մորաքույր, հորաքույր, քեռի, հորեղբայր և զարմիկ կապը։

ԴՆԹ–ի փորձանմուշների առաքում

ԴՆԹ–ի փորձանմուշներն ուղարկելուց առաջ անհրաժեշտ է կապ հաստատել լաբորատորիայի հետ, բացատրել, թե ինչ նյութ եք մտադիր փոխանցել ուսումնասիրության և տվյալ փորձանմուշը փաթեթավորել մասնագետների խորհուրդներին համապատասխան։

Կարևոր է հիշել, որ հավաքած կենսանյութը չի կարելի

• Սառեցնել և հալեցնել
• Դնել պլաստիկ տարաների, պոլիէթիլենի մեջ, փաթեթավորել սննդային թաղանթով և այլն
• Չորացնել արևի ուղիղ ճառագայթների տակ կամ ջեռուցման սարքերի վրա

Պետք է հիշել, որ մինչև Ռուսաստանի լաբորատորիա կենսանյութը հասցնելու ծախսերը հոգում է գենետիկ փորձաքննություն պատվիրած հարազատը

ԴՆԹ հետազոտության հնարավոր արդյունքները

Եզրակացությունը տրվում է լաբորատորիայի պաշտոնական պաշտպանված բլանկի վրա հոլոգրամմայով և նույնականացման համարով, փորձագետի ստորագրությամբ և կազմակերպության կնիքով։ Ազգակցական կապերը հաստատվում են 99,99% ճշգրտությամբ, բացառվում 100% ճշգրտությամբ։

Եթե փորձանմուշը լուրջ վնասվել է և ԴՆԹ–ն դեգրադացվել է, համեմատական ուսումնասիրություն իրականացնել հնարավոր չէ։ Սակայն պատվիրատուն անպայման ողջ հարազատի գենետիկ պրոֆիլով եզրակացություն կստանա, ինչը կօգնի հետագա որոնումների ժամանակ։

Ամեն ամիս լաբորատորիան անցկացնում է մինչև 5000 հետազոտություն, աշխատում է 2013 թվականից, ունի բժշկական արտոնագիր և միջազգային մակարդակի հավաստագրեր։ Ոչ մի եզրակացություն չի վիճարկվել դատական կարգով, ինչը խոսում է փորձաքննության բարձր որակի և գենետիկ բժիշկների մակարդակի մասին։

Մեդիքալ Գենոմիքսից ստացած արդյունքներին կարելի է վստահել, չէ՞ որ Ռուսաստանի օրենսդրության համաձայն` եզրակացությունը ստորագրած գենետիկ փորձագետը անձնական քրեական պատասխանատվություն է կրում տրամադրած արդյունքի համար։

Հոդվածը հրապարակվել է կոմերցիոն հիմունքներով