ԵՐԵՎԱՆ, 17 հունիսի – Sputnik. Հայաստանը պետք է ամրապնդի իր կապերը Ռուսաստանի հետ։ «Բարգավաճ Հայաստանի» ամփոփիչ ասուլիսի ժամանակ հայտարարեց ԲՀԿ առաջնորդ Գագիկ Ծառուկյանը։
«Բոլորդ տեսաք, որ Էրդողանն ու Ալիևն իրար հետ Շուշի եկան ու մեր հողի վրա նոր փաստաթուղթ ստորագրեցին։ Ես էլ ասում եմ` մենք պետք է Ռուսաստանի հետ նոր փաստաթուղթ ստորագրենք։ Եվրախորհրդարանում քննարկում է լինում, Հայաստանը դեմ է լինում Ռուսաստանին, և միայն ԲՀԿ–ական պատգամավորն է կողմ քվեարկում` հետո էլ ասում են լավ են մեր կապերը Ռուսաստանի հետ»,–ասաց Ծառուկյանը։
Նրա խոսքով` ոչ թե պետք է ամեն ինչ գցենք ռուս գործընկերների վրա, այլ համագործակցենք։
Ծառուկյանը նշեց` բացի այդ, մեզ պրոֆեսիոնալ բանակ է պետք, որտեղ առաջնագիծ չեն գնա 18 տարեկանները, այլ պայմանագրայինները կլինեն այնտեղ։
ԲՀԿ–ական պատգամավոր Միքայել Մելքումյանը նշեց, որ ԲՀԿ–ն վերջին 15 տարիների ընթացքում 5-րդ անգամ ԱԺ է գալու, և ոչ մի ուրիշ քաղաքական ուժ նման ռեկորդ չի սահմանել։
Ամենաարտառոց ընտրությունները. հավաքներին դագաղով մասնակցող թեկնածուն հաղթեց, իսկ մուրճո՞վը
Հիշեցնենք, որ հունիսի 20-ին Հայաստանում խորհրդարանական արտահերթ ընտրություններ են։ Քարոզարշավը մեկնարկել է հունիսի 7-ին, կավարտվի հունիսի 18-ին։