ԵՐԵՎԱՆ, 14 հունիսի - Sputnik. Հայազգի ռուսաստանցի հայտնի ձեռներեց և բարերար, «Մոնարխ» ընկերությունների խմբի գլխավոր տնօրեն, տեխնիկական գիտությունների դոկտոր Սերգեյ Համբարձումյանը հայտարարություն է տարածել, որով իր անվերապահ աջակցությունն է հայտնել ՀՀ 2–րդ նախագահ «Հայաստան» դաշինքի վարչապետի թեկնածու Ռոբերտ Քոչարյանին։ Տեղեկությունը հայտնում է News.am—ը։
«Խորը բավարարվածության զգացումով ընթերցեցի ՀՀ նախկին վարչապետ Կարեն Կարապետյանի այսօրվա հայտարարությունը։ Մարդու, ում հետ մենք բոլորս կապել ենք Հայաստանի Հանրապետության բարգավաճող տնտեսական ապագան։ Ներկայացնելով ստեղծված իրավիճակի ճշգրիտ վերլուծությունը՝ նա իր անվերապահ աջակցությունն է հայտնել Ռոբերտ Քոչարյանին։
Ես ուզում եմ հայտարարել, որ միանում եմ Կարեն Կարապետյանի կոչին։ Ստորագրում եմ նրա հայտարարության յուրաքանչյուր բառի տակ և կոչ եմ անում մեր քաղաքացիներին՝ քվեարկել «Հայաստան» դաշինքի օգտին»,–գրել է նա` հավելելով, որ դրանում է հայրենիքի փրկությունը։
Հիշեցնենք, որ այսօր ՀՀ նախկին վարչապետ Կարեն Կարապետյանի հայտարարություն է տարածել` վստահեցնելով, որ երկիրը ստեղծված իրավիճակից կարող է հանել ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը
Քոչարյանը նշել է բանակի մարտունակության բարձրացման և սպառազինության համալրման ժամկետները