ԵՐԵՎԱՆ, 8 հունիսի – Sputnik. Նուբարաշենի աղբավայրում հրդեհ է բռնկվել։ Տեղեկությունը հայտնում է ՀՀ արտակարգ իրավիճակների նախարարությունը։
Ճգնաժամային կառավարման ազգային կենտրոնը հրդեհի վերաբերյալ ահազանգը ստացել է հունիսի 8-ին` ժամը 10։04-ին։
ԱԻՆ–ից Sputnik Արմենիային հայտնեցին, որ շուրջ 2 հազար քմ տարածք է այրվում։
Սպանությունից մինչև նոր կյանք. շաբաթվա ուշագրավ իրադարձությունները՝ լուսանկարներով
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։
Հրդեհաշիջման աշխատանքներին մասնակցում է նաև քաղաքապետարանի երկու ջրատար։