ԵՐԵՎԱՆ, 8 հունիսի – Sputnik. Ֆրանսիայի նախագահ Էմանուել Մակրոնին ապտակել են Դրոմ դեպարտամենտ կատարած այցի ժամանակ։ Տեղեկությունը հայտնում է ՌԻԱ Նովոստին։
Տեսանյութում երևում է, որ Ֆրանսիայի նախագահը մոտենում է իրեն սպասող մարդկանց ու ձեռքը մեկնում տղամարդկանցից մեկին։ Վերջինս մի ձեռքով բռնում է Մակրոնի թևը և մյուսով ապտակում նրան։
Անմիջապես միջամտում են թիկնապահները։
Ըստ տեղեկությունների` միջադեպից հետո երկու հոգու բերման են ենթարկել։