ԵՐԵՎԱՆ, 3 հունիսի – Sputnik․ Մի քանի տասնյակ գյուղացիներ փակել են Էջմիածին-Աշտարակ մայրուղին: Այդպես նրանք ցանկանում են իշխանությունների ուշադրությունը հրավիրել ոռոգման ջրի խնդրի վրա։
Ինչպես ավելացնել բերքը. կառավարության ծրագրերն ու միջանկյալ արդյունքները
Բողոքի ակցիայի մասնակիցներն ասում են, որ բազմիցս բարձրաձայնել են խնդրի մասին, սակայն հարցին այդպես էլ լուծում չի տրվել։ Մեկ անգամ չէ, որ շեշտել են՝ սա իրենց համար լուրջ խնդիր է, ոռոգման ջուրը չի բավականացնում։
«Հիմա դու կգնաս տուն, ամսվա վերջում աշխատավարձդ կստանաս, իսկ իմ աշխատավարձն էս հողն է, չորացել է»,- բողոքում է բողոքի ակցիայի մասնակից ֆերմերներից մեկը։
Խոսրովի արգելոցում դժվարացել է որսագողերի ներթափանցումը. Պետրոսյանն ասաց` ինչ է փոխվել
Տղամարդը պնդում է, որ ոչ ոք տեղից չի շարժվի այնքան ժամանակ, մինչև իրենց մոտ չգա համայնքի ղեկավարը և Ջրային կոմիտեի նախագահը:
Նշենք, որ առաջին անգամ չէ, որ գյուղացիները փակում են ճանապարհները։ Դեռևս 2018 թվականին նրանք նույն պատճառով փակել էին Արմավիր-Էջմիածին ճանապարհը։