ԵՐԵՎԱՆ, 2 հունիսի – Sputnik. Տեղեկությունները, թե ԱԳՆ նախկին խոսնակ Աննա Նաղդալյանը մայիսի 27-ին նշանակվել է ԱՄՆ-ում ՀՀ դեսպանի տեղակալ, պաշտոնական աղբյուրները դեռ չեն հաստատում։ Նման հրաման գոյություն չունի։ «Փաստինֆո»-ի թղթակցին հայտնել են ԱԳՆ լրատվության և հանրային դիվանագիտության վարչությունից։
Ավելի վաղ araratnews.am–ը հայտնել էր, որ Աննա Նաղդալյանը մայիսի 27-ին նշանակվել է ԱՄՆ-ում ՀՀ արտակարգ և լիազոր դեսպանի տեղակալ:
ԱԳՆ–ից, սակայն, այսօր տեղեկացրել են, որ Նաղդալյանը շարունակում է պարտականությունները կատարել կենտրոնական ապարատում և դիվանագետ է, որը ենթարկվում է ռոտացիոն կանոնի։
«ՀՀ-ն փոխդեսպանի հաստիք այս պահին որևէ երկրում չունի։ Աննա Նաղդալյանը ԱԳ նախարարության դիվանագետներից է, շարունակում է մնալ ՀՀ դիվանագետ՝ ԱԳՆ համակարգում։ Ինքը աշխատելու է դիվանագիտական կորպուսում, բայց թե ինչ պաշտոնի, երբ, ոնց՝ կտեղեկանանք գրավոր հարցումով»,–ասել են ԱԳՆ–ից։
Աննա Նաղդալյանը նշանակվել է ԱՄՆ-ում ՀՀ դեսպանի տեղակալ. ԶԼՄ
Գերատեսչությունից չեն բացառում նաև, որ Նաղդալյանը շուտով կմեկնի գործուղման, քանի որ նշանակվել է պաշտոնի, սակայն մանրամասներ այս պահին հայտնի չեն։
Թե Նաղդալյանը երբ է լքելու ՀՀ-ն և ինչ պաշտոն է ստացել՝ հստակ չէ։
Հիշեցնենք` Աննա Նաղդալյանը մայիսի 31-ին հայտնեց, որ հրաժարվում է ԱԳՆ մամուլի քարտուղարի պաշտոնից։ Նույն օրը պաշտոնից հրաժարվեց նաև արտգործնախարարի տեղակալ Գագիկ Ղալաչյանը։
«Չեմ կարծում, որ ունենք նման իրավիճակ». Մհեր Գրիգորյանը` Արա Այվազյանի ակնարկի մասին