ԵՐԵՎԱՆ, 31 մայիսի – Sputnik. ՀՀ արտաքին գործերի նախարարի տեղակալ Գագիկ Ղալաչյանը հրաժարվել է պաշտոնից։ Sputnik Արմենիայի հետ զրույցում տեղեկությունը հաստատեց ՀՀ արտգործնախարարի մամուլի քարտուղար Աննա Նաղդալյանը։
«Գագիկ Ղալաչյանը հրաժարականի դիմում է ներկայացրել մայիսի 27-ին»,–ասաց նա։
Նշենք, որ Ղալաչյանն այդ պաշտոնը ստանձնել էր 2020 թվականի դեկտեմբերին։
Հիշեցնենք` մայիսի 27-ին հրաժարականի դիմում էր ներկայացրել նաև ՀՀ արտգործնախարար Արա Այվազյանը։