ԵՐԵՎԱՆ, 25 մայիսի - Sputnik.«Հայկական ժամանակի» տեղեկություններով՝ Ստյոպա Սաֆարյանն ազատման դիմում է ներկայացրել է ՀՀ վարչապետի պաշտոնակատար Նիկոլ Փաշինյանին։
Ըստ թերթի` Հանրային խորհրդի նախագահը պատրաստվում է մասնակցել խորհրդարանական արտահերթ ընտրություններին` «Շիրինյան-Բաբաջանյան ժողովրդավարների դաշինքի» կազմում:
Նույն դաշինքի ցուցակում է նաև Սաֆարյանի քույրը՝ փաստաբան Սեդա Սաֆարյանը:
Դաշինքի առաջին եռյակում են «Իմ քայլով» 2018թ–ին խորհրդարան անցած, ապա իշխող խմբակցությունից հեռացած պատգամավոր Արման Բաբաջանյանը, քաղաքագետ Լևոն Շիրինյանն ու Սեդա Սաֆարյանը:
Ստյոպա Սաֆարյանը եղել է 4-րդ գումարման ԱԺ պատգամավոր «Ժառանգություն» կուսակցության ընտրացուցակով:
Նշենք, որ Հայաստանում ԱԺ արտահերթ ընտրութունները կանցկացվեն հունիսի 20–ին։