ԵՐԵՎԱՆ, 25 մայիսի - Sputnik. 2022 թվականից Հայաստանում բնակիչ–բաժանորդների համար կսկսեն տեղադրել գազի ավելի ճշգրիտ հաշվիչներ: Այս մասին ՀՀ Ազգային ժողովում այսօր հայտարարել է Հանրային ծառայությունները կարգավորող հանձնաժողովի անդամ Սերգեյ Աղինյանը:
Այժմ ճշգրիտ հաշվիչները` ճշտիչները, տեղադրվում են միայն իրավաբանական անձանց մոտ։ Բայց 2020թ–ի հունվարի 1-ից այդ հաշվիչները հասանելի կդառնան նաև քաղաքացիների համար։
«Ճշտիչները հնարավորություն կտան ավելի ճշգրիտ որոշել սպառված գազի ծավալը և դրա վերաբերյալ բավարար վիճակագրություն ունենալուց ու վերլուծելուց հետո քննարկել այդ ճշտիչների համատարած կիրառման հարցը»,–ասաց Աղինյանը։
Ինչու է Ռուսաստանը փոխում Հայաստան եկող գազի երթուղին. փորձագետների կարծիքներ
Բացի այդ, հստակեցվել են նոր բաժանորդների միացման պայմանները: Եթե գազատարից բաժանորդի տուն հեռավորությունը մինչև 5 մետր է, ապա միացման շինմոնտաժային աշխատանքների ծախսը կատարում է «Գազպրոմ Արմենիան», իսկ բաժանորդի հաշվից ծախսերը գանձվում են ամսական 5% դրույքաչափով:
Հարկ է նշել, որ Հայաստանում կան 700 հազարից ավելի բաժանորդներ:
Հայաստանն ու Իրանը քննարկում են «Գազ՝ էլեկտրաէներգիայի դիմաց» պայմանագրի փոփոխությունները