ԵՐԵՎԱՆ, 24 մայիսի - Sputnik. ՀՀ պաշտպանության նախարարությունը տեղեկացնում է, որ այսօր, ժամը 17:40-ի սահմաններում ժամկետային զինծառայող, շարքային Մկրտիչ Հովհաննեսի Հովհաննիսյանը մահացու վիրավորում է ստացել։
«Ըստ նախնական տվյալների` զենքի օգտագործման կանոնների խախտման հետևանքով արձակված կրակոցից է զինվորը մահացել»,–նշված է հաղորդագրության մեջ։
Մկրտիչ Հովհաննիսյանը ծնվել է 2002 թվականին, նա բանակ է զորակոչվել այս տարի` առաջին զորակոչին, Շիրակի զինկոմիսարիատին։
Կատարվում է քննություն:
Հիշեցնենք, որ Sputnik Արմենիայի հետ զրույցում ՀՀ պաշտպանության նախարարությունից հայտնել էին, որ այսօր ՀՀ ՊՆ N զորամասում ժամկետային զինծառայողին հայտնաբերել են մահացած վիճակում։