ԵՐԵՎԱՆ, 21 մայիսի - Sputnik. ԵԱՏՄ-ն ձգտում է նվազագույնի հասցնել ներմուծման ազդեցությունը միութենական դեղերի շուկայի վրա, հայտարարել է Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերական համալիրի հարցերով կոլեգիայի անդամ Արտակ Քամալյանը:
Ավելի վաղ Եվրասիական տնտեսական բարձրագույն խորհուրդը որոշում էր ընդունել մինչև 2024թ. մշակել միջոցառումների ծրագիր՝ ուղղված ռազմավարական կարևոր դեղերով և դեղագործական նյութերով ԵԱՏՄ երկրների ապահովվածության մակարդակի բարձրացման, ինչպես նաև Միությունում դրանց արտադրության հաստատման համար:
Ինչպես ասված է Եվրասիական տնտեսական հանձնաժողովի հաղորդագրության մեջ՝ ԵԱՏՄ-ում դեղագործական արդյունաբերության զարգացման միջոցառումների ցանկի հաստատումը կօգնի ընդլայնել կոոպերատիվ համագործակցությունն ու միութենական երկրների բիզնեսի աջակցման միջոցները:
«Հաշվի առնելով նախորդ՝ կարանտինային տարվա բացասական փորձը, երբ դեղերի հետ կապված իրավիճակը մեր որոշ երկրներում մոտ էր կրիտիկականին, մենք խնդիր ենք դրել ապահովել ոլորտի կայունությունը և նվազագույնի հասցնել ներմուծման ազդեցությունը միութենական դեղերի շուկայի վրա», - հայտարարել է Քամալյանը, որի խոսքը մեջբերում է ԵՏՀ կայքը:
Նրա խոսքով ՝ այդ ծրագրի իրականացումը կնպաստի ԵԱՏՄ երկրներում առավել կարևոր դեղային պատրաստուկների, պատվաստանյութերի և դեղագործական նյութերի արտադրության ամբողջական ցիկլի ստեղծմանը, ինչն իր հերթին կնպաստի, որպեսզի Միության պետություններն անկախ լինեն երրորդ երկրներից մատակարարումների հարցում:
Ադրբեջանը չի մասնակցել ԵԱՏՄ նիստին, քանի որ Հայաստանը չի համաձայնել. Մհեր Գրիգորյան
Մշակված փաստաթուղթը նախատեսվում է մինչև տարեվերջ ներկայացնել Եվրասիական միջկառավարական խորհրդի հաստատմանը։