ԵՐԵՎԱՆ, 21 մայիսի – Sputnik. Մայիսի 20-ին տեղի է ունեցել Հայաստանի Հանրապետությունում Ռուսաստանի Դաշնության Արտակարգ և լիազոր դեսպան Սերգեյ Կոպիրկինի և «Ռուսաստանի հայերի միություն» (ՌՀՄ) համառուսաստանյան հասարակական կազմակերպության նախագահ Արա Աբրահամյանի հանդիպումը։ Տեղեկությունը հրապարակվել է Աբրահամյանի Facebook–յան էջում։
«Հանդիպման շրջանակում քննարկվել են տարածաշրջանում զարգացող իրադարձություններին վերաբերվող օրախնդիր հարցերը»,– նշված է հաղորդագրության մեջ։
Արա Աբրահամյանը դեսպան Կոպիրկինին տեղեկացրել է նաև իր ղեկավարած կազմակերպության և Հայաստանում ու Ռուսաստանում իրականացվող ՌՀՄ ծրագրերի մասին։
Հիշեցնենք` Կոպիրկինը երեկ հանդիպել էր ԱԺ փոխնախագահ Ալեն Սիմոնյանի հետ։