ԵՐԵՎԱՆ, 19 մայիսի - Sputnik. Տաջիկստանի արտաքին գործերի նախարար Սիրոջիդին Մուխրիդդինը հայտարարել է, որ ՀԱՊԿ արտգործնախարարների խորհուրդը հանգել է մի շարք հրատապ տարածաշրջանային և միջազգային հարցերի ընդունման: Տեղեկությունը հայտնում է ՌԻԱ Նովոստին ՝ վկայակոչելով Դուշանբեում կայացած ՀԱՊԿ ԱԳ նախարարների խորհրդի նիստի արդյունքները։
Արդեն հայտնել էինք, որ Դուշանբեում մեկնարկել է ՀԱՊԿ ԱԳ նախարարների խորհրդի նիստը՝ նեղ կազմով։
«Ցանկանում եմ նշել, որ ՀԱՊԿ անդամ երկրների արտաքին գործերի նախարարների խորհրդի աշխատանքն արգասաբեր է, մենք մշտապես քաղաքական խորհրդակցություններ են անցկացրել միմյանց հետ։ Հիմա մենք հանգել ենք տարածաշրջանային և միջազգային հրատապ հարցերի շուրջ մի շարք կարևոր հայտարարությունների ընդունման», - ասել է նա` ԱԳ նախարարների խորհրդի նիստի նեղ կազմով բացմանը:
ՀԱՊԿ ԱԳ նախարարների խորհրդի նիստի շրջանակներում ՀԱՊԿ անդամ պետությունների պատվիրակությունների ղեկավարները և ՀԱՊԿ գլխավոր քարտուղարը հանդիպում են ունեցել Տաջիկստանի նախագահ Էմոմալի Ռահմոնի հետ, որն առաջարկել է վերլուծել կազմակերպության աշխատանքը եւ մշակել դրա ռազմավարությունը մինչև 2025 թվականը:
Ինչպես տեղեկացնում է Տաջիկստանի նախագահի մամուլի ծառայությունը, քննարկման առարկա են դարձել նաև Հավաքական անվտանգության խորհրդի նիստի որոշումների իրականացման կատարման հարցերը և ՀԱՊԿ-ում տաջիկական կողմի նախագահության առաջնահերթությունները: Նշվում է, որ հանդիպմանը քննարկվել են տարածաշրջանային անվտանգության ապահովման ոլորտում ՀԱՊԿ անդամ երկրների համագործակցության, տաջիկա - աֆղանական սահմանի ամրապնդման, ահաբեկչության, ծայրահեղականության, անդրազգային կազմակերպված հանցավորության` հատկապես թմրանյութերի ապօրինի շրջանառության դեմ համատեղ պայքարի ուղղությամբ կազմակերպության ծրագրերի իրականացման հարցերը:
Դուշանբե են ժամանել Հայաստանի, Բելառուսի, Ղազախստանի, Ղրղզստանի և Ռուսաստանի արտաքին գործերի նախարարները ՝ մասնակցելու ՀԱՊԿ անդամ երկրների արտաքին գործերի նախարարների խորհրդի հերթական նիստի աշխատանքներին, որը վարել է Տաջիկստանի արտգործնախարար Սիրոջիդին Մուխրիդդինը: Խորհրդի աշխատանքներին մասնակցում է ՀԱՊԿ գլխավոր քարտուղար Ստանիսլավ Զասը:
Գրիգորյանը սահմանային իրավիճակը քննարկել է ՀԱՊԿ ԱԽ քարտուղարների կոմիտեի նախագահի հետ
Հավաքական անվտանգության մասին պայմանագիրը ստորագրվել է 1992 թվականին Տաշքենդում, 2002 թվականին որոշում է ընդունվել համապատասխան կազմակերպություն ստեղծելու մասին: ՀԱՊԿ-ի մեջ մտնում են Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը, որը կազմակերպությունում նախագահում է 2020-2021 թվականներին: