ԵՐԵՎԱՆ, 19 մայիսի -Sputnik. Դիարբեքիրում Թուրքիայի ռազմաօդային ուժերի ավիաբազայի վրա հարձակում գործած երկու անօդաչու սարքերը չեզոքացվել են։ Տեղեկությունը հայտնել է Թուրքիայի ներքին գործերի նախարար Սուլեյման Սոյլուն:
«Դիարբեքիրում ռազմական օբյեկտի վրա հարձակման փորձը ձեռնարկվել է երկու ավիամոդելների օգտագործմամբ, դրանք ոչնչացվել են։ Ոչ մի վնաս չկա»,- գրել է Սոյլուն Twitter-ում։
Թուրքիայի Պն հաղորդագրության համաձայն՝ հարձակման է ենթարկվել Թուրքիայի ՌՕՈւ ութերորդ ավիաբազան։ Սոցցանցերի օգտատերերը հայտնում են երկու ուժեղ պայթյունների ու կրակոցների մասին, որոնք գիշերը լսվել են Դիարբեքիրի բազմաթիվ շրջաններում։
Հենց Թուրքիայի ՌՕՈՒ-ի 8-րդ ավիաբազան է ակտիվորեն օգտագործվում այդ երկրում արգելված Քրդստանի աշխատավորական կուսակցության դեմ օդային գործողությունների ժամանակ։