ԵՐԵՎԱՆ, 18 մայիսի - Sputnik. Կանադայի իշխանությունները 1 միլիոն կանադական դոլար (830 հազար ԱՄՆ դոլար) են հատկացրել Կարմիր խաչի միջազգային կոմիտեին (ԿԽՄԿ) ՝ Լեռնային Ղարաբաղում հակամարտությունից տուժածներին մարդասիրական օգնություն ցուցաբերելու համար: Այս մասին հայտարարել է Կանադայի արտաքին գործերի նախարար Մարկ Գարնոն։
Կանադացի պաշտոնյան նաև Երևանին և Բաքվին կոչ է արել նվազեցնել լարվածությունը Հայաստանի և Ադրբեջանի սահմանին, ինչպես նաև հավաստիացրել է, որ Օտտավան տարբեր միջազգային հարթակներում կշարունակի աջակցել հակամարտության խաղաղ կարգավորման ջանքերին:
Նշենք, որ մայիսի 15-ին Կանադայի արտաքին գործերի նախարար Մարկ Գարնոն Twitter–ի իր միկրոբլոգում կատարած գրառման մեջ խոր մտահոգություն էր հայտնել Սյունիքում հայ-ադրբեջանական սահմանին ստեղծված իրավիճակի վերաբերյալ` կողմերին հորդորելով հարգել նոյեմբերի 9-ին ձեռք բերված հրադադարի մասին համաձայնագիրը և շարունակել բանակցել հարատև ու խաղաղ կարգավորման համար: