ԵՐԵՎԱՆ, 17 մայիսի – Sputnik. Վանո Սիրադեղյանը ՀՀՇ կուակցության բոլոր համագումարներում մշտապես ընտրվել է վարչության անդամ և ընտրվել է ամենամեծաթիվ ձայներով։ Այս մասին Sputnik Արմենիային հայտնեց կուսակցության մամուլի խոսնակ Արման Մուսինյանը։
Հիշեցնենք` մայիսի 16-ին կայացած կուակցության համագումարում հաստատված վարչության անդամների ցուցակը գլխավորում է ՀՀ նախկին ՆԳ նախարար Վան Սիրադեղյանը։
Նշենք, որ սոցկայքերում տեղեկություն է շրջանառվում, որ Սիրադեղյանը լինելու է նաև ՀԱԿ ընտրական ցուցակում։ Sputnik Արմենիային ունի հստակ տեղեկություն, որ այդ լուրերը չեն համապատասխանում իրականությանը. Վանո Սիրադեղյանի անունը ցուցակում չի լինելու։
Նշենք, որ ՆԳ նախկին նախարարի նկատմամբ հետախուզում էր հայտրարվել 2003թ–ին։ 1997թ–ին փետրվարի 19-ին նրա նկատմամբ քրեական գործ էր հարուցվել` բանդիտիզմի, ծանրացուցիչ հանգամանքներում կատարված դիտավորյալ սպանության, կաշառքի, իշխանության կամ պաշտոնեական դիրքի չարաշահման ու գույքի դիտավորությամբ ոչնչացման կամ վնասման մեղադրանքով։
1999 թվականի մայիսին Սիրադեղյանի նկատմամբ խափանման միջոց է ընտրվում անձնական երաշխավորությունը՝ մինչև 2000 թվականի ապրիլ ամիսը, երբ խորհրդարանը բավարարել էր դատախազության միջնորդությունը` Վ. Սիրադեղյանին պատգամավորական անձեռնմխելիությունից զրկելու մասին։
Ո՞րն է Արցախյան պատերազմում կրած պարտության իրական պատճառը. Լևոն Տեր–Պետրոսյանի վարկածը
Ազգային ժողովի որոշումից անմիջապես հետո Սիրադեղյանը փախուստի էր դիմել ու տարիներ շարունակ թաքնվել արդարադատությունից։
Նշենք, որ Ինտերպոլի միջազգային բյուրոյի կայքում Սիադեղյանն առ այսօր նշվում է հետախուզվողների ցանկում։
Վանո Սիրադեղյանի նկատմամբ քրեական գործը դատարան է ներկայացվել 1999թ–ի օգոստոսի 11-ին։
Շուրջ մեկ տարի անց` 2000թ–ի ապրիլի 6-ին, գործի քննությունը կասեցվել է`«ամբաստանյալ Վ.Սիրադեղյանի կողմից դատական նիստերին չներկայանալու և նրա գտնվելու վայրն անհայտ լինելու պատճառով , մինչև ամբաստանյալ Վանո Սիրադեղյանին հայտնաբերելը»։
Նույն պատճառաբանությամբ դատական գործի վարույթը հետագայում ևս պարբերաբար կասեցվել է, վերջին անգամ` 2020թ–ին։