«Միսս Տիեզերք-2021» թագը հաղթող գեղեցկուհուն փոխանցել է 2019 թվականի հաղթող, մոդել, Հարավաֆրիկյան Հանրապետությունը ներկայացնող Զոզիբինի Թունցին։
Մեսան դարձել է Մեքսիկայի արդեն երրորդ ներկայացուցիչը, որին հաջողվել է նվաճել այս տիտղոսը։ Ավելի վաղ նրա հայրենակիցները «Միսս Տիեզերք» էին ճանաչվել 1991 և 2010 թվականներին:
Մրցույթում առաջին վիցե-միսս է ճանաչվել Բրազիլիայի ներկայացուցիչը։ Երկրորդ վիցե-միսսը Հնդկաստանից է։ Չորրորդ տեղը բաժին է հասել Դոմինիկյան Հանրապետությունից մի աղջկա, իսկ հինգերորդ տեղը՝ Պերուն ներկայացնող գեղեցուհուն։
«Միսս Տիեզերքի» հայ մասնակցին՝ Մոնիկա Գրիգորյանին, չհաջողվեց անցնել կիսաեզրափակիչ: Նա 2019 թվականին Հայաստանում վիցե «Միսս Տիեզերք» էր ճանաչվել։ Ավելի վաղ Մոնիկան Sputnik Արմենիայի թղթակցի հետ զրույցում նշել էր, որ մրցույթի ընթացքում շատ կարևոր հարցեր է բարձրացնելու, այդ թվում՝ իր դժվարին մանկության և ղարաբաղյան խնդրի մասին։
Հավելենք, որ «Միսս Տիեզերք» մրցույթն այս տարի անցկացվել է Ֆլորիդայում՝ պահպանելով կորոնավիրուսի հետ կապված անվտանգության անհրաժեշտ միջոցները:
Մոնիկան «Միսս տիեզերք» մրցույթին կներկայանա Արցախի տարազով ու կարևոր հարցեր կբարձրացնի