ԵՐԵՎԱՆ, 17 մայիսի - Sputnik. Կորոնավիրուսով կարելի է կրկին վարակվել, բայց երբեմն հիվանդների նմուշներից կենդանի վիրուս չի արտազատվում, իսկ որոշ հետազոտություններ հաստատում են կեղծ դրական ՊՇՌ թեստերը:
Naked-science.ru հարթակը հայտնում է, որ ամերիկյան ինստիտուտների գիտնականները սրա բացատրության հավանական վարկած են առաջարկել։ Նրանք ցույց են տվել, որ վիրուսի ՌՆԹ-ի գենետիկական հաջորդականությունը կարող է տիրոջ բջջի գենոմ մտնել։ Այնուհետև գենոմի այդ հատվածները «ընթերցվում են» ՌՆԹ-ում ու հայտնաբերվում ՊՌՇ թեստի ժամանակ։
Ընդ որում, սա նորություն չէ. Covid-19 հարուցիչը միակ վիրուսը չէ, որը կարողանում է ինտեգրվել մարդու գենի մեջ. մեր ԴՆԹ-ի մոտ 8 տոկոսը բաղկացած է հնագույն վիրուսների մնացորդներից։
Կոկորդի սեղմվածությունը կարող է շատ վտանգավոր հիվանդությունների նշան լինել. բժիշկ
Իհարկե, իրական կյանքում այս երևույթի մեծ տարածվածությունը ճշգրիտ հաստատելու համար ավելի շատ տվյալներ են անհրաժեշտ։ Հավանաբար, մարդու միայն որոշ բջիջներն են որևէ վիրուսային ինտեգրման ենթարկվում։ Իսկ SARS-CoV-2-ի ինտեգրման հաճախականությունը մարդկանց մոտ դեռ հայտնի չէ:
Վիրուսի հետ ինտեգրվող բջիջների մասնաբաժինը կարող է շատ փոքր լինել, բայց գիտնականներն ասում են, որ նույնիսկ եթե դա հազվադեպ է պատահում, հարյուր հազարավոր մարդիկ արդեն վարակված են: