ԵՐԵՎԱՆ, 14 մայիսի - Sputnik. Իսրայելի ռազմաօդային ուժերն անցած գիշեր Գազայի հատվածի ռազմական թիրախների դեմ իրականացրել են հակամարտության նոր փուլի սկսվելուց ի վեր խոշորագույն գործողությունը: Տեղեկությունն այսօր լրագրողներին հայտնել է Իսրայելի պաշտպանության բանակի պաշտոնական ներկայացուցիչ Ջոնաթան Կոնրիկուսը։
Նրա խոսքով՝ մայիսի 14-ի գիշերը Գազայի հատվածում միաժամանակ 150 թիրախ է հարձակման ենթարկվել։ Օդային հարձակումը 40 րոպե է տևել։
Կոնրիկուսը նշել է, որ հարձակման նպատակը եղել է թունելների ցանցը, որն օգտագործվում է թաքնվելու ու տեղափոխելու նպատակով: Ընդ որում՝ Իսրայելի պաշտպանության բանակի պաշտոնական ներկայացուցիչն ընդգծել է, որ ցամաքային գործողություն չի իրականացվել։
Կոնրիկուսի խոսքով՝ մայիսի 10-ից պաղեստինցիները Գազայի հատվածից Իսրայելի տարածքով արձակել են ավելի քան 1,8 հազար հրթիռ, որոնցից 430-ը ընկել են հենց պաղեստինյան անկլավի տարածքում՝ չհատելով սահմանը:
Ինչ իրավիճակ է Իսրայելում և Գազայում ավիահարվածներից հետո. լուսանկարներ