ԵՐԵՎԱՆ, 5 մայիսի- Sputnik. Բանակի արդիականացումն իրականացվում է բոլոր ոլորտներում` օրենսդրական, կառուցվածքային ու բուհերի համակարգում։ Այսօր ՀՀ ԱԺ նիստում կառավարության անդամների հետ հարցուպատասխանի ժամանակ ասաց ՀՀ պաշտպանության նախարարի պաշտոնակատար Վաղարշակ Հարությունյանը։
«Ուսումնասիրությունը ցույց է տալիս, որ այն պրոֆեսորադասախոսական կազմը, որն այսօր գտնվում է այստեղ, չունեն մարտական փորձ և չեն անցել զորային օղակը։ Մենք նրանց կուղարկենք զորք, իսկ նրանց, ովքեր այդ փորձն ունեն այս վերջին պատերազմից, կբերենք այդ երկու համալսարաններ»,– ասաց Հարությունյանը։
Նա նաև կարևորեց, որ բուհերի սաները ժամանակակից զենքերի հետ վարվելու փորձառություն ստանան, քանի որ արդիականացման ծրագրով նախատեսված է նաև ժամանակակից զինատեսակների ձեռքբերում։
Բացի այդ, նրա խոսքով, ՀՀ–ն հայաստանյան ԶՈւ հրամկազմի վերապատրաստման շուրջ պայմանավորվածություն է ձեռք բերել ՌԴ–ի հետ։
Հարությունյանն ու Շոյգուն քննարկել են հայ-ռուսական զորախմբի համատեղ գործողությունները
«Իրենք ասել են` անսահմանափակ, ինչքան դուք պահանջարկ ունեք, մենք պատրաստ ենք ընդունել»,– ասաց Հարությունյանը։
Նրա խոսքով` նման վերապատրաստման պայմանավորվածություններ կան նաև այլ երկրների հետ, որոնց զորամասերում հայ սպաները կարող են արդիականացնել իրենց ռազմական գիտելիքներն ու կարողությունները։
Հայաստանի պաշտպանության նախարարն ընդունել է Կիպրոսի պաշտոնակցին