ԵՐԵՎԱՆ, 4 մայիսի – Sputnik. Ռուսաստանում մարդու իրավունքների հանձնակատար Տատյանա Մոսկալկովայի թեժ գիծը տարեսկզբից մինչև հիմա գրեթե 5000 զանգ է ստացել, այդ թվում՝ Հայաստանից։ Տեղեկությունը հրապարակվել է ՌԴ մարդու իրավունքների պաշտպանի Instagram–յան էջում։
Նշվում է, որ դիմումներից շատերը կապված են կենսաթոշակային ապահովման, բնակարանային իրավունքների և դատարանների որոշումների հետ:
«Զանգահարում են ոչ միայն ամբողջ Ռուսաստանից, այլ նաև այլ պետություններից՝ Հայաստանից և Ղազախստանից»,-ասված է հաղորդագրության մեջ:
Ընդգծվում է, որ շատ հայտեր են ստացվել ավելի վաղ հանձնված դիմումի կարգավիճակի մասին հարցումներով։