ԵՐԵՎԱՆ, 3 մայիսի - Sptunik. Ըստ «Bloomberg Billionaires Index» (BBI) վարկանիշային աղյուսակի` Ռուսաստանի ամենահարուստ մարդը «Նորիլսկի նիկել» լեռնամետալուրգիական ընկերության սեփականատեր և նախագահ Վլադիմիր Պոտանինն է։
Պոտանինի կարողությունը կազմում է 32 միլիարդ դոլար, ընդ որում` 2021 թվականի սկզբից նա կորցրել է 622 միլիոն դոլար ու վաստակել երկու միլիարդից մի փոքր ավելի:
Միջազգային վարկանիշում երկրորդ ամենահարուստ ռուսաստանցին Նովոլիպեցկի մետալուրգիական կոմբինատի հիմնական շահառու Վլադիմիր Լիսինն է՝ 28,4 մլրդ դոլար կարողությամբ:
Ցուցակում միակ կինը «Wildberries» առցանց-խանութի հիմնադիր ու գլխավոր տնօրեն Տատյանա Բակալչուկն է. տարեսկզբից նա վաստակել է 443 մլն դոլար՝ կարողությունը հասցնելով 9,53 մլրդ դոլարի:
Վաճառիր առանձնատունդ ու քաղաք գնիր ԱՄՆ–ում. 4 հետաքրքիր առաջարկ հայ օլիգարխներին
ՌԻԱ Նովոստին հաշվել է, որ ռուսաստանցի միլիարդատերերի ընդհանուր կարողությունը տարվա առաջին չորս ամսում աճել է 27,94 մլրդ դոլարով:
Ավելի վաղ Ռուսաստանի ամենահարուստ մարդը համարվում էր «Սևերստալ» ԲԲԸ-ի տնօրենների խորհրդի նախագահ Ալեքսեյ Մորդաշովը՝ 29,1 մլրդ դոլար կարողությամբ: Այժմ նա զբաղեցնում է երրորդ տեղը։
Ռուսաստանի տնտեսության վերելքը ձեռնտու է Հայաստանին. փորձագետը` Պուտինի ուղերձի մասին