ԵՐԵՎԱՆ, 1 մայիսի - Sputnik. Այսօր՝ մայիսի 1-ին, ավտովթար է տեղի ունեցել Սյունիքի մարզում, կա տուժած։ Տեղեկությունը հայտնում է shamshyan.com-ը։
Մասնավորապես, ժամը 18:20-ի սահմաններում, 50-ամյա Բախշիկ Բախշյանը, իր վարած BMW X5 մակնիշի ավտոմեքենայով, Երևան-Երասխ-Մեղրի ավտոճանապարհի 365 կմ հատվածում` «Վարդանիձոր» վայրում, դուրս է եկել ճանապարհի երթևեկելի գոտուց և մի քանի պտույտ գլորվելով, գլխիվայր հայտնվել ծառերի մեջ: Վթարի հետևանքով վարորդը բժշկական օգնություն ստանալու նպատակով տեղափոխվել է Մեղրու բժշկական կենտրոն։
Դեպքի վայր են ժամանել իրավապահները։ Փաստի առթիվ նյութեր են նախապատրաստվում։
Վթար Արցախում․ առաջին օգնությունը ցուցաբերել են ադրբեջանցիներին ուղեկցող խաղաղապահները