ԵՐԵՎԱՆ, 1 մայիսի - Sputnik. Թուրքիայի ոստիկաններն ավելի քան 60 անձի են ձերբակալել, որոնք փորձում էին Թաքսիմի հրապարակում մայիսմեկյան ակցիա իրականացնել։ Տեղեկությունը հայտնում է ՌԻԱ Նովոստին` թուրքական լրատվամիջոցներին հղում տալով։
Հարցն այն է, որ կորոնավիրուսային իրավիճակով պայմանավորված Թուրքիայում սահմանափակումներ են գործում։ Չնայած դրան, որոշները որոշել էին Մայիսի 1-ը տոնել Թաքսիմի հրապարակում, որը ոստիկանները կանխավ փակել էին։
Արդյունքում ոստիկանները թույլ չեն տվել հրապարակ մտնել և մի քանի տասնյակ անձի են ձերբակալել։ Ոստիկանները փակել են դեպքի Թաքսիմի հրապարակ տանող մետրոյի բոլոր կայարանների մուտքերը։
Նշենք, որ Թուրքիայում Մայիսի 1-ը սկսել են տոնել 2009-ից, սակայն իշխանությւոններն արգելում են մայիսմեկյան ակցիաներ իրականացնել Թաքսիմի հրապարակում, որտեղ 1977-ին «ուլտրաաջերի» զինյալների կողմից հրաձգության հետևանքով 37 մարդ է մահացել։
Պետք է ուղղենք մեր մեջքը. Փաշինյանի ուղերձը Աշխատանքի օրվա կապակցությամբ