ԵՐԵՎԱՆ, 30 ապրիլի – Sputnik. ՀՀ վարչապետի պաշտոնակատար Նիկոլ Փաշինյանի գլխավորած պատվիրակությանը Կազան տեղափոխած ինքնաթիռում տեխնիկական անսարքություն է հայտնաբերվել, որն այժմ կարգավորվում է: Եթե խնդիրը չլուծվի, պատվիրակությունը կվերադառնա այլ ինքնաթիռով: Տեղեկությունը Sputnik Արմենիայի հետ զրույցում հայտնեց ՀՀ կառավարության տեղեկատվության և հասարակայնության հետ կապերի վարչության պետ Արմեն Խաչատրյանը։
Հիշեցնենք` Փաշինյանն աշխատանքային այցով Կազան է մեկնել երեկ` ապրիլի 29-ին։ Նա մասնակցել է Եվրասիական միջկառավարական խորհրդի հերթական նիստի աշխատանքներին։
Վարչապետի պաշտոնակատարը Կազանում այցելել է «Իննոպոլիս» նորարարական քաղաք և տեխնոպարկ։