Սուրեն Սարգսյանի դիտարկմամբ` այդ օգնությունը տրվում է ահաբեկչության դեմ պայքարի, ինչպես նաև Իրան–Ադրբեջան ծովային սահմանի անվտանգության ապահովման համատեքստում, ինչն ըստ էության մեր դեմ ուղղված չէ, բայց ցանկացած պարագայում ռազմական օգնությունը հասնում է Ադրբեջան և երբեք չգիտես, թե այն ինչպես կարող է օգտագործվել»,– նշեց քաղաքագետը։
«Խնդիրն այն է, որ Բայդենն իր նախընտրական քարոզարշավի ժամանակ խոստացել էր վերանայել այդ օգնությունը, սակայն նման բան դեռ տեղի չի ունեցել, իսկ մենք այդ ուղղությամբ, ինչպես և բոլոր ուղղություններով, չենք աշխատել։ Ըստ նրա` գալիք տարին լինելու է Ջո Բայդենի բյուջետային տարին այն առումով, որ ներկայում շրջանառության մեջ է Թրամփի օրոք մշակված բյուջեն, որով նախատեսված է նաև ռազմական օգնության հատկացում Ադրբեջանին»,– նշեց Ամերիկյան հետազոտությունների հայկական կենտրոնի տնօրենը։
Քաղաքագետի համոզմամբ` Ադրբեջանին նման օգնություն չտրամադրելու համար նույնիսկ հիմք չի հանդիսացել այն հանգամանքը, որ այդ երկիրն ագրեսիայի ենթարկեց Արցախին` սանձազերծելով լայնածավալ պատերազմ, ու թեև Ադրբեջանին ռազմական օգնությունը ցուցաբերվում է այն նախապայմանով, որ դա չի կարող օգտագործվել Հայաստանի ու Արցախի դեմ, սակայն այլ հարց է, որ վերահսկողությունը չափազանց բարդ է։
Էրդողանը խորապես վշտացած է Բայդենի կողմից Հայոց ցեղասպանության ճանաչման առնչությամբ
Նշենք, որ սկսած 2001 թվականից, երբ ԱՄՆ–ն ահաբեկչության դեմ գլոբալ պայքար հայտարարեց, յուրաքանչյուր տարի այդ երկիրը շրջանցում է 907–րդ բանաձևը, որով նախատեսված է, որ Միացյալ Նահանգների կառավարությունը չի կարող ռազմական օգնություն տրամադրել Ադրբեջանին, սակայն նախագահը գրավոր դիմում է Կոնգրեսին, խնդրում է թույլտվություն`շրջանցելու վերոհիշյալ բանաձևն ու Ադրբեջանին տրամադրել ռազմական օգնություն։
Ցեղասպանության հերքումը կարող է քրեականացվել. Բայդենի ուղերձի բերած հնարավորությունները