ԵՐԵՎԱՆ, 27 ապրիլի -Sputnik. Սյունիքի նախկին մարզպետ Վահե Հակոբյանը կինը` Էլիզաբեթ Պետրոսյանը, հրավիրվել է ՊԵԿ քննչական վարչություն։ Մամուլում տարածված այս տեղեկությունն այսօր ԱԺ–ում լրագրողների հետ զրույցում հաստատեց ՀՀ ՊԵԿ նախագահ Էդվարդ Հովհաննիսյանը։
«Այո՛, գտնվել է ՊԵԿ քննչական վարչությունում, քրեական գործի շրջանակներում հարցաքննվել է»,– ասաց Հովհաննիսյանը։ Իսկ թե ինչ քրեական գրծի շրջանակներում, ՊԵԿ նախագահը հրաժարվեց պատասխանել` լրագրողներին առաջարկելով դիմել նախաքննական մարմին։
Դիտարկմանը, թե նախկին մարզպետի կնոջ նկատմամբ քննչական գործողությունները գնահատվում են իբրև քաղաքական ճնշում, Հովհաննիսյանն այսպես պատասխանեց.
«Քաղաքական ճնշում չի կարելի որակել, քանի որ ձեր նշած անձնավորությունը ոչ միայն նախկին մարզպետի կինն է, այլև ինքնուրույն սուբյեկտ է և առանձին կազմակերպաիրավական միավորի ղեկավար է»։
Պեկ նախագահը նաև հայտարարեց, որ Էլիզաբեթ Պետրոսյանն առաջին անգամ չէ, որ հրավիրվում է Քննչական վարչություն, և որ նախկինում էլ հրավիրվել է։
Հիշեցնենք` ապրիլի 26-ին մամուլում տեղեկություններ էին հայտնվել, որ PARA TV-ի տնօրեն, Սյունիքի նախկին մարզպետ Վահե Հակոբյանի կինը հրավիրվել է ՊԵԿ քննչական վարչություն ու մի քանի ժամ շարունակ գտնվել այնտեղ։
Ռուբեն Հայրապետյանի 82-ամյա հորը Քննչական կոմիտե են կանչել. փաստաբան